तोयनाथ अर्ज्यालद्वारा लिखित आत्मवृत्तान्त “जिन्दगीका पानाहरू” लोकार्पण
Bikaspost 16 March, 2023
काठमाडौं – ज्यो .पं .तोयनाथ अर्ज्यालद्वारा लिखित आत्मवृत्तान्त जिन्दगीका पानाहरू लोकार्पण गरिएको छ । आज नेपाल प्रज्ञा प्रतिष्ठानमा एक समारोह आयोजना गरी लोकार्पण कार्यक्रम सम्पन्न भएको हो । तोयनाथ अर्ज्यालको ९० औं जन्मोत्सवको उपलक्ष्यमा उक्त कृतिको लोकार्पण गरिएको हो । कृतिको लोकार्पण प्रमुख अतिथि एवमं विशेष अतिथिद्वारा संयुक्त रूपमा गरिएको थियो । आत्मवृत्तान्त जिन्दगीका पानाहरूमा जीवनका अनेकौँ भोगाई र अनुभवहरूलाई रचनात्मक र रोमाञ्चक ढङ्गले समेटिएको छ ।
सो कार्यक्रमको प्रमुख अतिथिको रूपमा नेपाल प्रज्ञा प्रतिष्ठानका कुलपति भूपाल राई रहेका थिए । त्यस्तै, विशेष अतिथिहरूमा अमर न्यौपाने, प्रा। डा। रामचन्द्र लम्साल, डा। बलदेव शर्मा अधिकारी, डा। नवराज लम्साल, बामदेव शर्मा अधिकारी रहेका थिए ।समारोहमा राममणि दुवाडीले कृतिको टिप्पणी गरेका थिए । पुस्तकका सर्जक अर्ज्यालका पुत्र दामोदर अर्यालले स्वागत मन्तव्य दिएका थिए । उनै सर्जकका पुत्र टीकानाथ अर्यालद्वारा सञ्चालित कार्यक्रमको अन्त्यमा अर्का पुत्र लेखनाथ अर्यालले धन्यवाद ज्ञापन गरी समारोहको समापन गरिएको थियो ।
उक्त कार्यक्रममा विभिन्न साहित्यकारहरू, समाजसेवी, विदेशी पाउनाहरू, आफन्तजन एवमं सञ्चारकर्मीहरूको समेत बाक्लो उपस्थिती रहेको थियो ।
