ट्रक त्रिशुलीमा खस्दा एकको मृत्यु एक घाईते

  Bikaspost   13 July, 2019

धादिङ । पृथ्वीराजमार्ग अन्तर्गत धादिङ र चितवनको सिमानामा पर्ने चितवनको इच्छाकामना गाउँपालिका –५ स्थित नाग्दी खोला भन्ने स्थानमा भएको ट्रक दुर्घटनामा परी एक जानको ज्यान गएको छ भने आर्का एक जान घाईते भएका छन् । भैरहबाबाट काठमाडौं आउदै गरेको ना ४ ख १७९६ नम्बरको ट्रक नाग्दीखोला भन्ने ठाँउबाट त्रिशूली नदीमा खस्दा सो दुर्घटना भएको हो । दुर्घटनामा परी मृत्यु हुनेमा ट्रकका सहचालक दाङ घोराही नीवासी २५ वर्षीय अनिल गुरुङको मुग्लिन प्रहरीले जनाईएको छ । ट्रक सडकबाट करिव पचास मिटर तल खसी त्रिशुली नदीमा डुवेको छ । मृतक गुरुङ्गको शवलाई शसस्त्र प्रहरी विपद ब्यवस्थापन तालिम केन्द्रबाट खटि गएको प्रहरी र मुग्लिन स्थित ईलाका प्रहरी कार्यालबाट खटिगएका नेपाल प्रहरीको सहयोगमा नदीबाट निकालिएको छ । प्रहरीका अनुसार ट्रकका चालक ललितपुर बस्ने ४६ वर्षीय माधव थापा मगर घाइते भएका छन् । उनको पुरानो मेडिकल कलेज भरतपुरमा उपचार भइरहेको छ । सो दुर्घटान आज विहान २ बजेतिर भएको हुन सक्ने अनुमान प्रहरीले गरेको छ ।