धादिङ उद्योग वाणिज्य सङ्घको निर्वाचनमा वरिष्ठ उपाध्यक्ष पदका लागि रोहित भण्डारीको उम्मेदवारी

धादिङ । यही पौष २६ र २७ गते हुने धादिङ उद्योग वाणिज्य सङ्घको निर्वाचनमा वरिष्ठ उपाध्यक्ष पदका लागि रोहित भण्डारीले उम्मेदवारी घोषणा गरेका छन् ।११ औ अधिवेशनमा निर्वाचन वर्ष पनी हो ।

पूर्व अध्यक्षहरूलगाएत हालका वरिष्ठ उपाध्यक्ष रामकुमार डल्लाकोटीको समर्थनमा भण्डारीले वरिष्ठ उपाध्यक्षमा उम्मेदवारी घोषण गरेका हुन् ।  धादिङ उद्योग वाणिज्य संघको धादिबेसीमा एक कार्यकाल वरिष्ठ उपाध्यक्ष भए पछी आर्को कार्यकाल स्वतह अध्यक्ष हुने प्रावाधान रहेको छ । यहाँ अध्यक्ष पदमा भने निर्वाचन नगरी स्वतह हुने र वरिष्ठ उपाध्यक्षलगाएत अन्य पदहरुमा निर्वाचन हुने प्रकृया रहेको छ । उम्मेदवारी घोषणाका लागी एक कार्यक्रममा भने पुर्व अध्यक्षहरुले भण्डारीलाई सर्वसम्मत निर्वाचित गराउन पहल गरिने बताएका छन् ।
अध्यक्ष हुने तयारीमा जुटेका भण्डारी २०६७ सालमा कार्यालय प्रमुखको रुपमा धादिङ उद्योग बाणिज्य संघमा प्रवेश गरेका थिए । करिव ११ बर्ष कर्मचारी भई सेवा प्रदान गरेका भण्डारी हाल धादिङ उद्योग बाणिज्य संघमा कार्यसमिति सदस्य रहेका छन् ।